Na vystavie MILEX-2019 upieršyniu pakazali najnoŭšy zienitny rakietny kompleks «Buk-MB3K». Heta nie madernizacyja savieckaj sistemy, a absalutna novaja zbroja, stvoranaja biełarusami: novyja elektronika i ałharytmy pracy i, samaje hałoŭnaje, novaja ajčynnaja zienitnaja rakieta siaredniaj dalokaści, piša Tut.by
Samachodnaja ahniavaja ŭstanoŭka ZRK «Buk-MB3K» moža pracavać jak aŭtanomna, tak i pa celeŭkazańni ŭ składzie batarei.
ZRK bazujecca na śpiecyjalna raspracavanym čatyrochvosievym šasi MZKC-69225 z kołavaj formułaj 8×8. Navinka zdolnaja vyjavić cel typu MiH-29 na adlehłaści 130 km, źbić — na dystancyi ŭ 70 km. Čas razhortvańnia ZRK nie bolš za piać chvilin. Adnačasova zienitny kompleks zdolny abstrelvać da šaści celaŭ.
Puskavaja zaradžajučaja mašyna kompleksu zdolnaja nie tolki zaradžać ahniavuju ŭstanoŭku, ale i vieści ahoń pa pavietranych celach. Na transpartnych aporach mašyny znachodzicca čatyry rakiety, stolki ž — na puskavych nakiravalnikach. Pry nieabchodnaści PZM zdolnaja zaradžać sama siabie. Pierazaradka ahniavoj ustanoŭki zajmaje nie bolš za 13 chvilin, ułasnaja pierazaradka — 15 chvilin.
