Prataijerej Fiodar Poŭny, nastajalnik chrama Usich śviatych u Minsku, nibyta maje namier uznačalić carkoŭnuju kamisiju pa vyvučeńni situacyi z Kurapatami. Pra heta paviedamiła ŭ fejsbuku teołah Natalla Vasilevič.
Fiodar Poŭny kaža, što nijakaj kamisii niama, ale jon hetym pytańniem sapraŭdy zajmajecca.
Čytajcie. Fiodar Poŭny pra znos kryžoŭ: Kurapaty — mietafaryčna čałaviečaja Hałhofa
«Patryjaršy ekzarch daručyŭ, kab my prapracavali hetaje pytańnie dla kančatkovaha farmiravańnia pazicyi pravasłaŭnaj carkvy i znajšli ŭsie histaryčnyja dadzienyja. «Vy tam bližej, vykazvalisia pa hetym pytańnie, zajmiciesia», — voś tak jon mnie skazaŭ. Ja pahadziŭsia», — skazaŭ Fiodar Poŭny.
«Ja źbirajusia pravieści surjoznuju rabotu, razabracca, pahladzieć dakumienty, bo jość vielmi šmat samaj roznaj infarmacyi, a kali nie bačyŭ aryhinałaŭ, to nie viedaješ kamu vieryć. Paśla našych acenak, ja dumaju, vykažacca i patryjaršy ekzarch», — dadaŭ jon.
