Žychary stalicy rehularna skardziacca na taksistaŭ u padatkovuju, paviedamlajuć Minsk-naviny.
Nie tak daŭno na haračuju liniju Ministerstva pa padatkach i zborach źviarnułasia žančyna. Jana raspaviała, što taksist advioz pasažyraŭ pa maršrucie: vuł. Babrujskaja — st. m. «Barysaŭski trakt». Pajezdka abyšłasia ŭ 72 rubli. Žančynu cana aburyła, i jana pasprabavała adnavić spraviadlivaść. Adnak, kali zadziejničali taksomietr, aparat naličyŭ jašče bolšuju sumu — 81,9 rubla. Žančynie daviałosia apłacić mienavita jaje, — raspaviali ŭ inśpiekcyi.
Pa słovach supracoŭnikaŭ IMPZ, pasažyram varta pamiatać, što niekatoryja kiroŭcy pracujuć «ad borta», i ich taryfy značna adroźnivajucca ad tych, što ŭstanoŭleny dla dyśpietčarskich słužbaŭ taksi. U zhadanym vypadku prajs byŭ nastupny: abaniravańnie — 25 rubloŭ, 1 km prajezdu — 5 rubloŭ, hadzina prastoju — 50 rubloŭ.
Žančyna źviarnułasia ŭ padatkovuju.
Pa vynikach razhladu zvarotu supracoŭniki inśpiekcyi vyśvietlili: kiroŭca aficyjna pracaŭładkavany ŭ adnoj ź minskich arhanizacyj, jakija akazvajuć pasłuhi pa pieravozcy pasažyraŭ aŭtamabilami-taksi. Mašyna abstalavana taksomietram sa srodkam kantrolu padatkovych orhanaŭ.
— Suma 81,9 rubla była praviedzienaja pa kasavym aparacie, u tym liku sumieščanym z taksomietram. Adnak kiroŭca niepravamierna skarystaŭ źnižku 80%. U vyniku hrošy — 65,52 rubla — nie byli adlustravany jak vyručka pradpryjemstva. Kasavy ček, naturalna, pasažyrcy nie vydali, — rastłumačyli ŭ IMPZ.
Za heta pravaparušeńnie taksista pryciahnuli da administracyjnaj adkaznaści: jon aštrafavany. Z kiraŭnikom pradpryjemstva praviali prafiłaktyčnuju hutarku.
«Šmatdzietny baćka, maleńkaja «dvuška», minimalnaja pajezdka — 25 rubloŭ»: taksist, što vioz pasažyrku za 73 rubli, patłumačyŭ, čamu tak zrabiŭ
Čarhovy šakujučy ček za pajezdku ŭ taksi: 73 rubli za paŭtara kiłamietra
