U Kanach startuje znakamity kinafiestyval. Hetym razam jon budzie prachodzić pa 25 maja.
Pa tradycyi pravodziacca niekalki konkursnych prahram: «Asnoŭnaja konkursnaja prahrama», «Asablivy pohlad», «Prahrama karotkamietražnych filmaŭ» i «Sinefandaśjon», u ramkach jakoj demanstrujucca studenckija karciny. Temami ciapierašnich Kanaŭ abvieščany «ramantyzm i palityka».
U asnoŭnaj konkursnaj prahramie apošni film Kviencina Tarancina «Adnojčy ŭ Halivudzie» (Once Upon a Time in Hollywood)
Apošni raz praca Tarancina demanstravałasia ŭ Kanach u 2009 hodzie — «Biassłaŭnyja vyradki». A 25 hadoŭ tamu było oskaranosnaje kultavaje «Kryminalnaje čytvo» (1994). Tady karcina režysiora ŭziała «Palmavuju halinu».
Dziejańnie «Adnojčy ŭ Halivudzie» adbyvajecca ŭ 1969 hodzie. U centry siužetu znachodziacca televizijny akcior Ryk Dałtan (Leanarda Dy Kaprya) i jaho dublor Klif But (Bred Pit), jakija sprabujuć patrapić na kinaekrany. Dałton i But — susiedzi aktrysy Šeran Tejt. U noč na 9 žniŭnia 1969 hoda Tejt i jašče niekalki čałaviek, jakija znachodzilisia ŭ jaje domie, byli zabityja členami siekty Čarlza Mensana. U filmie taksama syhrali Marho Robi i Al Pačyna.
Biełaruskaja premjera «Adnojčy ŭ Halivudzie» namiečana na 8 žniŭnia