U vydaviectvie «Vriemia» vyjšła kniha biełaruskaha piśmieńnika Alhierda Bachareviča «Sabaki Jeŭropy». Akramia niekalkich piśmieńnickich premij, Alhierd Bacharevič užo atrymaŭ za «Sabak Jeŭropy» adnu zusim niezvyčajnuju ŭznaharodu - śpiecyjalna dla jaho zasnavanuju čytackuju premiju, jakuju ŭdziačnyja prychilniki ŭručyli jamu za toje, što jon «padniaŭ sučasnuju biełaruskuju litaraturu na zusim novy ŭzrovień».
Pierakłaŭ, a dakładniej pierastvaryŭ raman pa-rusku sam aŭtar. U knizie — mudrahielisty vuzieł z šaści historyj. Tut ustupajuć u dziŭnyja ałchimičnyja reakcyi harady i movy, ludzi i siužety, vieršy i traŭmy, abryŭki cytat i vydumanych uspaminaŭ.
«Sabaki Jeŭropy» Alhierda Bachareviča - raman ab čałaviečaj i nacyjanalnaj adzinocie, ab iluzijach - pra dziaržavu, jakoj nie treba minułaje i jakaja ŭpeŭnienaja, što ŭ jaje siłach admianić budučyniu; pra dyktaturu słova, uskrainu impieryi i jaje jeŭrapiejskuju tuhu.
Vydaviectva «Vriemia» naminuje raman «Sabaki Jeŭropy» na premiju «Vialikaja kniha».
Nabyć hetaje dy inšyja novyja vydańni i biestsielery, možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
