Uviečary 9 maja ŭ adnoj z kvater pa vulicy Barykina ŭ Homieli adbyŭsia pažar.

Pra jaho ratavalnikam paviedamiła pieršakłaśnica, dačka haspadyni. Jaje pjanaja maci ŭ hety čas spała na padłozie i słaba razumieła, što adbyvajecca.

Padtrymać uciamnuju razmovu z dyśpietčaram pjanaja žančyna tak i nie zdoleła.

Jak adznačajuć ratavalniki, chutčej za ŭsio, padziei raźvivalisia nastupnym čynam: u momant zdareńnia dziaŭčynka była ŭ inšym pakoi i, adčuŭšy pach dymu, zabiehła ŭ padpalenaje pamiaškańnie, razbudziła śpiačuju maci i vybiehła na leśvičnuju kletku.

Paśla ahladu bryhadaj chutkaj miedycynskaj dapamohi školnica była špitalizavana z papiarednim dyjahnazam «atručeńnie praduktami hareńnia».

Połymia było patušana haspadyniaj kvatery da prybyćcia ratavalnikaŭ. U vyniku ahniom paškodžana majomaść u pakoi na płoščy 1 kvadratnaha mietra. Pryčyna pažaru vyśviatlajecca. Razhladajecca viersija nieaściarožnaha abychodžańnia z ahniom pry kureńni.

Клас
0
Панылы сорам
0
Ха-ха
0
Ого
0
Сумна
0
Абуральна
0