KNDR praviała čarhovyja rakietnyja puski ŭ kirunku Japonii. Abvastreńnie vajennaha supraćstajańnia ŭ rehijonie adbyvajecca na fonie pieramovaŭ ZŠA, Japonii i Paŭdniovaj Karei pa paŭnočnakarejskaj prablematycy

Paŭnočnaja Kareja ažyćciaviła zapusk «nieapaznanaha snarada», piša ahienctva «Rionchap» sa spasyłkaj na paŭdniovakarejskich vajskoŭcaŭ. Jak miarkujecca, heta rakiety siaredniaj abo małoj dalokaści.

Zapusk byŭ ździejśnieny z Pchionan-Pukto, dzie na adlehłaści prykładna 77 km ad Pchieńjana raźmieščana adna z rakietnych baz KNDR. Na hetaj bazie raźmieščanyja balistyčnyja rakiety siaredniaj dalokaści «Nadon». Dalokaść hetych rakiet dasiahaje 1,3 tys. km.

Ministerstva abarony Japonii paviedamiła, što rakiety ŭpali ŭ mory za miežami vyklučnaj ekanamičnaj zony krainy, piša Japan Times. Pahrozy terytoryi Japonii jany nie ŭjaŭlali.

Za apošni tydzień heta druhoje rakietnaje vyprabavańnie, jakoje pravodzicca Paŭnočnaj Karejaj. U subotu, 4 maja, vajennyja KNDR praviali zapusk niekalkich rakiet małoj dalokaści z horada Vonsana na ŭschodnim uźbiarežžy ŭ kirunku Japonskaha mora. Pavodle acenak Sieuła, jany pralacieli ad 70 da 200 km, pierš čym upaści ŭ mory. Zapuski stali nahodaj dla sklikańnia terminovaha pasiadžeńnia siłavych struktur Paŭdniovaj Karei. U Pchieńjanie zajavili, što metaj zapuskaŭ była pravierka «bujnakalibiernych reaktyŭnych puskavych ustanovak vialiki dalokaści i taktyčnaha kiravanaha ŭzbrajeńnia». Za vučeńniami asabista naziraŭ paŭnočnakarejski lider Kim Čen Yn.

Rakietnyja zapuski prajšli na fonie vizitu śpiecpradstaŭnika ZŠA pa prablemach KNDR Styviena Bihuna ŭ Japoniju i Paŭdniovuju Kareju. 9 maja pasłańnik Biełaha doma znachodzicca ŭ Sieule, udakładniaje Reuters.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?