U adzin z travieńskich dzion žychar vioski Piaski Lidskaha rajona, 34-hadovy rabotnik miascovaj haspadarki, vyrašyŭ parybačyć. Zachapiŭ vudy, a čarviakoŭ možna nakapać i bližej da miesca rybałki - naprykład, kala Niomana, pobač ź vioskaj Mocievičy.

Zdabyvajučy prynadu dla ryb, jon vykapaŭ ź ziamli … ručnuju procipiachotnuju hranatu F-1, u prastamoŭi zvanuju «limonkaj».

Svaju znachodku jon nie pakinuŭ na miescy, a pryvioz dadomu. A ŭžo adtul patelefanavaŭ u adpaviednyja słužby. Supracoŭniki milicyi, jakija prybyli ŭ viosku, vyjavili, što z hranaty była sarvanaja čeka. Miarkujecca, što rybak zrabiŭ heta, kapajučy ziamlu.

Na nastupny dzień bojeprypas, jak miarkujecca časoŭ vajny, byŭ źniščany sapiorami. Uvohule, dobra toje, što dobra kančajecca. Adnak paŭtarać dadzieny vopyt kateharyčna nie rekamiendujecca, piša «Lidskaja hazieta». Znajšoŭšy vybuchoŭku, nie varta čapać jaje, treba adrazu vyklikać milicyju i sapioraŭ. 

Клас
0
Панылы сорам
0
Ха-ха
0
Ого
0
Сумна
0
Абуральна
0