Litva abjaviła piersonaj non hrata rasijskaha vykanaŭcu Ryhora Lepsa, jakoha padazrajuć u suviaziach z kryminalnym śvietam, paviedamlaje Delfi.
Sankcyi ŭstupili ŭ siłu na padstavie śpisa Mahnickaha, jaki dazvalaje ŭklučać u «čorny śpis» asobaŭ, źviazanych z karupcyjaj, admyvańniem hrošaj i parušeńniami pravoŭ čałavieka. Adpaviednaje rašeńnie padpisaŭ ministr unutranych spraŭ Litvy Ejmucis Misiunas paśla zvarotu kiraŭnika MZS Linasa Linkiavičusa.
«Z ulikam zvarotu kiraŭnika MZS, paćviardžajem, što ministr unutranych spraŭ Litvy Ejmucis Misiunas 30 krasavika padpisaŭ zahad, jaki zabaraniaje ŭjezd hetaj asobie na terytoryju Litoŭskaj Respubliki», — skazała pradstaŭnik kiraŭnika MUS Jeva Dyrmajcie.
Vice-ministr zamiežnych spraŭ Darus Skusiavičus skazaŭ, što Lepsa prapanavali ŭnieści ŭ hety śpis «paśla kansultacyj z sajuźnikami».
«Nam zdajecca, što toje, što jamu inkryminujuć u ZŠA, — dastatkovaja nahoda dla ŭniasieńnia ŭ naš śpis», - skazaŭ Skusiavičus.
Vykanaŭca pryjazdžaŭ u Litvu z kancertam u sakaviku 2019 hoda.
