Hałoŭnym pryjarytetam dla abranaha prezidenta Ukrainy Uładzimira Zialenskaha paśla jaho inaŭhuracyi stanie aktyvizacyja pieramovaŭ u «narmandskim farmacie». Pra heta zajaviŭ jaho daradca Alaksandr Daniluk, pieradaje «Interfaks-Ukraina».
«Klučavym dla nas pryjarytetam budzie adnaŭleńnie, aktyvizacyja raboty «narmandskaha farmatu», — paviedamiŭ Daniluk žurnalistam padčas pajezdki ŭ Brusel.
Daradca nahadaŭ, što heta važny krok, jakoha čakajuć vybarščyki, što padtrymali Zialenskaha. Jon taksama adznačyŭ, što dla kamandy abranaha prezidenta važniej nie pravieści sustreču ŭ dadzienym farmacie jak maha chutčej, a «napoŭnić jaje sensam».
«Narmandski farmat» — dypłamatyčnaja hrupa z pradstaŭnikoŭ Hiermanii, Rasii, Francyi i Ukrainy pa ŭrehulavańni situacyi na Danbasie. U lutym 2015 hoda lidary čatyroch krain zaćvierdzili ŭ Minsku dakumient, jaki praduhledžvaje, u pryvatnaści, uviadzieńnie ŭ rehijonie režymu spynieńnia ahniu i zakanadaŭčaje zamacavańnie asablivaha statusu rehijonu.
