U milicyju źviarnuŭsia 32-hadovy minčuk: unačy z dvara prapaŭ matacykł «Kavasaki» śvietła-zialonaha koleru.
Ciaham sutak milicyja znajšła prapažu ŭ adnym z haražnych kaapieratyvaŭ Minskaha rajona. Transpartny srodak byŭ pryparkavana pamiž dvuma aŭtamabilami i nakryty tentam, paviedamlaje staličnaja milicyja.
Krychu paźniej supracoŭnikami adździeła kryminalnaha vyšuku Maskoŭskaha RUUS sumiesna z kryminalistami, a taksama pry siłavoj padtrymcy AMAPa byŭ zatrymany 30-hadovy mužčyna, jaki kala 02:45 nočy, pryjšoŭšy da zhadanaha matacykła, staŭ jaho pierafarboŭvać ŭ čorny koler.
U chodzie asabistaha vobšuku ŭ jaho byli znojdzieny i kanfiskavany admyčki, z dapamohaj jakich jon zavodziŭ dadzieny matacykł. Taksama pry maładym čałavieku vyjaŭlenyja čarciažy admyčak dla ich nastupnaha vyrabu.
U časie pieratrusu doma byŭ znojdzieny i kanfiskavany rehistracyjny znak vykradzienaha matacykła, jaki byŭ nadziejna schavany pamiž ścienak kardonnaj skrynki.
Mužčyna rastłumačyŭ, što jon zajmajecca vykanańniem roznych trukaŭ na matacykłach. Dla hetaha jon vyrašyŭ znajści sabie jaki-niebudź matacykł, bo vykarystoŭvać svoj dla vykanańnia trukaŭ jamu było škada.
