pixabay.com
Haradskaja rada Amsterdama abviaściła pra poŭnuju zabaronu na ŭjezd u horad aŭtamabilam, jaki pracujuć na bienzinie i dyzielnym palivie, z 2030 hoda.
Pryniataja ŭładami prahrama maje na ŭvazie płaŭny pierachod da zabarony. Užo z 2020 hoda ŭjezd u horad zabaroniać aŭtamabilam na dyzielnym palivie starejšym za 15 hadoŭ, z 2022 hoda ŭ centr nie zmohuć ŭjazdžać aŭtobusy, z 2025 hoda heta zabarona raspaŭsiudzicca na skutary i matacykły.
Ułady taksama anansavali šerah prahram pa stymulavańniu pierachodu nasielnictva na elektrakary. U pryvatnaści, žycharam buduć častkova kampiensavacca płata za parkoŭku i zaradku aŭtamabilaŭ.
Uzrovień zabrudžvańnia pavietra ŭ Niderłandach vyšej, čym heta dazvalajuć dyrektyvy ES. Šmat u čym heta źviazana z paŭsiudnym vykarystańniem aŭtamabilaŭ u ščylna zabudavanych Amsterdamie i Raterdamie.
