Nadmahilnaj plitoj biełaruska-polskaha piśmieńnika Jana Barščeŭskaha, pachavanaha va ŭkrainskim miastečku Čudnaŭ Žytomirskaj vobłaści, zaapiekavałasia miascovaja polskaja hramada, piša «Radyjo Svaboda».

Čytajcie taksama: Va Ukrainie znajšli nadmahille kłasika biełaruskaj litaratury FOTAFAKT

Haspadary padvorka, na jakim znajšłasia nadmahilnaja plita, pieradali jaje pradstaŭnikam Sajuzu palakaŭ, jakija pryjechali z Žytomira, a tyja, u svaju čarhu, — u ryma-katalicki kaścioł Adšukańnia Kryža Haspodniaha ŭ Čudnavie.

Ryma-katalicki kaścioł Adšukańnia Kryža Haspodniaha ŭ Čudnavie.

Ryma-katalicki kaścioł Adšukańnia Kryža Haspodniaha ŭ Čudnavie.

«Pakul vyrašyli źbirać srodki na restaŭracyju, a ŭžo paśla hetaha planujecca ŭchvalić rašeńnie, dzie jaje ŭstalavać. Papiarednie havorka idzie pra terytoryju kaścioła», — skazała Svabodzie zahadčyca adździełu kultury Čudnaŭskaj haradzkoj rady Śviatłana Zacharčanka.

Alena Prychodčanka, vučanica 4 klasy miascovaj škoły, dziakujučy čyjoj cikaŭnaści ŭdałosia znajści histaryčnuju kaštoŭnaść.

Alena Prychodčanka, vučanica 4 klasy miascovaj škoły, dziakujučy čyjoj cikaŭnaści ŭdałosia znajści histaryčnuju kaštoŭnaść.

Pavodle jaje, Žytomirskaja abłasnaja rada planuje nadać nadmahilnaj plicie status histaryčnaha pomnika.

«Kali budzie zavieršanaja restaŭracyja i kančatkova vyznačana miesca ŭstanaŭleńnia plity, my abaviazkova na hetaje mierapryjemstva zaprosim i polski, i biełaruski bok», — dadała Śviatłana Zacharčanka.

Čudnaŭskija ŭłady miarkujuć, što Jan Barščeŭski byŭ pachavany na hetych katalickich mohiłkach. Ale dakładnaje miesca nieviadomaje.

Čudnaŭskija ŭłady miarkujuć, što Jan Barščeŭski byŭ pachavany na hetych katalickich mohiłkach. Ale dakładnaje miesca nieviadomaje.

Pradstaŭnica Čudnaŭskaj haradzkoj rady dadała, što miesca pachavańnia Jana Barščeŭskaha pakul dakładna nie viadomaje — u miastečku było niekalki katalickich mohiłak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?