Dla «Biełnaftachima» pryjarytetam źjaŭlajecca zabieśpiačeńnie naftapraduktami ŭnutranaha rynku, mahčymaść pavieličeńnia pastavak va Ukrainu budzie zaležać ad maržynalnaści, paviedamlaje BiełTA.

«Pry raźmierkavańni vyrablenych praduktaŭ NPZ pierš za ŭsio aryjentujucca na zabieśpiačeńnie patrebaŭ unutranaha rynku — heta pryjarytet dla nas. Što tyčycca pastaŭki astatniaj častki naftapraduktaŭ na ekspart, to rašeńnie prymajecca z ulikam pakazčykaŭ maržynalnaści pry pastaŭkach na toj ci inšy rynak, a taksama nieabchodnaściu vykanańnia ŭžo padpisanych dahavoraŭ», — rastłumačyli ŭ pres-słužbie.

Arhanizacyi «Biełnaftachima» zakuplajuć u Rasii naftapradukty tolki dla pierapracoŭki na ŭłasnych vytvorčych mahutnaściach — u płanavym paradku i ŭ strohaj adpaviednaści ź mižuradavymi damoŭlenaściami, adznačyli ŭ kancernie.

Jak paviedamlałasia, Rasija zabaraniła ekspart va Ukrainu rasijskich nafty i naftapraduktaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0