Učora ŭ Voranaŭski RAUS pastupiła paviedamleńnie ad žančyny ab tym, što źnik jaje 62-hadovy muž, pieradaje abłasnaja milicyja. 

Hetaja historyja źniknieńnia pačałasia z taho, što 16 krasavika da 11:30 ranicy na svaim pracoŭnym miescy ŭ ahraharadku Žyrmuny Miečysłaŭ Branisłavavič Švied vyrašaŭ słužbovyja pytańni. A paźniej sieŭ u słužbovy aŭtamabil VAZ 2107 biełaha koleru dziaržnumar 7315 SAT i źjechaŭ u nieviadomym kirunku. Zaraz mabilny telefon źnikłaha niedasiažny.

Pa kamierach videanazirańnia ŭdałosia vyznačyć, što mužčyna zachodziŭ u praduktovuju kramu ŭ ahraharadku Žyrmuny, kupiŭ dva pački cyharet, a paśla sieŭ u mašynu i nakiravaŭsia ŭ bok Voranava.

Viadoma, što mužčyna śpirtnymi napojami nie złoŭžyvaje, nie kuryć (chacia kupiŭ cyharety), na praciahu apošnich niekalkich hadoŭ mieŭ prablemy z sercam.

Dalej u chodzie apieratyŭna-vyšukovych mierapryjemstvaŭ było vyjaŭlena, što ŭ dzień źniknieńnia, ale ŭžo kala 6 hadzin viečara žychar vioski Krynicy Lidskaha rajona zaŭvažyŭ źnikłaha staršyniu sielsavieta, kali toj prajazdžaŭ na słužbovaj «siamiorcy» pa vioscy. Mašyna nakiroŭvałasia ŭ bok vioski Dvoryšča. Paśla hetaha mužčynu nichto nie bačyŭ.

Prykmiety: na vyhlad kala 60—65 hadoŭ, rost kala 165—170 sm, ščylnaha ciełaskładu, vałasy karyčnievaha koleru z praboram na pravy bok, tvar śvietły, vočy ciomnyja. Asablivyja prykmiety: farbavanyja vałasy. Byŭ apranuty: kurtka z kožzamianialnika karyčnievaha koleru z čornym kaŭniarom, štany ciomnaha koleru, tufli čornyja biez šnuroŭki, kašula ciomna-siniaha koleru.Kali vam što-niebudź viadoma pra miescaznachodžańnie Miečysłava Švieda, patelefanujecie pa telefonach 8 (044) 767-23-62 albo 102.

Milicyja dadaje, što svajaki źnikłaha Miečysłava Branisłavaviča vielmi pieražyvajuć i prosiać jaho chutčej viarnucca dadomu.

Клас
Панылы сорам
Ха-ха
Ого
Сумна
Абуральна