18 sakavika arcybiskup Tadevuš Kandrusievič byŭ vypisany sa špitala ŭ Biełastoku (Polšča), dzie jamu była paśpiachova zroblena apieracyja, i celebravaŭ imšu za lekaraŭ i za tych, chto maliŭsia za jaho zdaroŭje, paviedamlaje Catholic.by.

«Z kožnym dniom adčuvaju siabie ŭsio lepš i mahu biez prablem chadzić. Zrazumieła, što nie na 5 ci 10 kiłamietraŭ, ale na praciahu dnia ŭ sumie prachodžu kala dvuch kiłamietraŭ, za adzin raz pieraadolvajučy adrezki pa 200—300 mietraŭ. Spadziajusia, što dystancyja z kožnym dniom budzie pavialičvacca. Heta taksama rekamiendacyja daktaroŭ, jakija śćviardžajuć, što ruch — najlepšaja reabilitacyja.

Razam z tym u hetym nielha pierastaracca. Viadoma, jašče zastajecca šmat abmiežavańniaŭ: praktyčna nielha siadzieć i stajać, zhinacca, rabić rezkija ruchi i h.d. Pieryjad reabilitacyi zajmaje šmat času i patrabuje abmiežavańnia aktyŭnaści. Ale ja spadziajusia, što ŭsio budzie dobra», — paviedamiŭ Kandrusievič, a taksama padziakavaŭ usim, chto maliŭsia i molicca za jaho.

Клас
0
Панылы сорам
0
Ха-ха
0
Ого
0
Сумна
0
Абуральна
0