U Breście śledčyja šukajuć paciarpiełych ad dziejańniaŭ indyvidualnaha pradprymalnika, jaki pradavaŭ juvielirnyja vyraby, što jamu davali na ramont, paviedamlaje Śledčy kamitet.

52-hadovy žychar abłasnoha centra pracavaŭ z kaštoŭnymi mietałami. Sa studzienia pa vierasień 2018 hoda mužčyna atrymlivaŭ ad hramadzian juvielirnyja vyraby dla ramontu abo łom kaštoŭnych mietałaŭ dla vyrabu juvielirnych upryhažeńniaŭ. Atrymanyja vyraby i łom jon pradavaŭ. Kali hramadzianie cikavilisia losam svajoj majomaści, jon kazaŭ pra niemahčymaść jaje viartańnia pad roznymi markami.

U dačynieńni da mužčyny raspačali kryminalnyja spravy pa artykule «Rastrata». Raniej padazravany sudzimy nie byŭ. Ustanoŭlena 18 epizodaŭ. Śledčyja źviartajucca z prośbaj da paciarpiełych paviedamić pra heta pa telefonie apieratyŭna-dziažurnaj słužby USK pa Bresckaj vobłaści: 8 (0162) 27-37-00 (kruhłasutačna) abo 8 (033) 326-15-10.

Клас
0
Панылы сорам
0
Ха-ха
0
Ого
0
Сумна
0
Абуральна
0