Daŭžniki ź Biełarusi nie zmohuć vyjechać za miažu praz terytoryju Rasii, pravaachoŭnikami dźviuch krain testujucca adpaviednyja miechanizmy ŭzajemadziejańnia, paviedamlaje MUS.

Biełaruś i Rasieja raniej zaklučyli mižuradavyja pahadnieńni, jakija dazvalajuć vyklučyć mahčymaść bieśpieraškodnaha vyjezdu ŭ trecija krainy ludziej, čyjo prava na vyjezd časova abmiežavana. «Adpaviednyja techničnyja pratakoły infarmacyjnaha i technałahičnaha ŭzajemadziejańnia pamiž pravaachoŭnikami dźviuch krain padpisanyja. U ich vyznačany pieralik źviestak u elektronnym vyhladzie, technałohija i paradak pieradačy, zachoŭvańnia, źniščeńnia, abarony infarmacyi i dostupu da jaje. Zaraz pravodzicca techničnaje testavańnie miechanizmaŭ uzajemadziejańnia», — raspavioŭ načalnik Departamienta pa hramadzianstvie i mihracyi MUS Biełarusi Alaksiej Biahun.

Jon adznačyŭ, što da hetaha času prazrystaść rasijska-biełaruskaj miažy dazvalała bieśpieraškodna vyjechać u trecija krainy asobnym hramadzianam našaj krainy, čyjo prava na vyjezd było časova abmiežavana. U bližejšy čas hetaja ščylina budzie likvidavanaja.

Клас
0
Панылы сорам
0
Ха-ха
0
Ого
0
Сумна
0
Абуральна
0