Zdareńnie adbyłosia ŭ bary «Dubočak» nočču 20 studzienia, paviedamlaje Rehijanalnaja hazieta.

44-hadovy vilajčuk vypiŭ i zasnuŭ na barnaj stojcy. Dziaŭčyna-barmen pačała jaho budzić. Kali mužčyna pračnuŭsia, niecenzurna vyłajaŭsia, udaryŭ jaje spačatku nahoj u hrudzi, a potym kułakom u hałavu.

Źbitaj dziaŭčynie dapamahli dva naviedniki bara. Jany trymali kryŭdziciela, pakul pryjedzie milicyja.

Fihurant pryznaŭ siabie vinavatym. Jon paznaŭ siabie ŭ zapisie z kamiery videanazirańnia. Ale toje, što źbiŭ dziaŭčynu, nie pamiataje.

Abvinavačany raniej byŭ sudzimy za zabojstva z asablivaj žorstkaściu i rabunak. Staić na uliku ŭ doktara-narkołaha.

Jamu pahražaje da troch hadoŭ pazbaŭleńnia voli.

Клас
0
Панылы сорам
0
Ха-ха
0
Ого
0
Сумна
0
Абуральна
0