Pasolstva Rasii ŭ Prazie zdaje ŭ arendu sotni kvater, jakija pryznačany dla dypłamataŭ, što moža być parušeńniem mižnarodnych pahadnieńniaŭ. Pra heta paviedamlaje hazieta Deník N.

Pavodle jaje infarmacyi, havorka idzie pra kvatery ŭ damach, jakija farmalna naležać Čechii. Kiruje imi rasiejskaje pasolstva na padstavie dahavora, składzienaha bolš za 30 hadoŭ tamu — jašče da padzieńnia kamunistyčnaha režymu.

Jak rastłumačyŭ pres-sakratar češskaha MZS Michał Bučačak, «na asnovie mižuradavych pahadnieńniaŭ pamiž ČSSR i SSSR, składzienych da 1989 hoda, Rasijskaja Fiederacyja maje prava svabodnaha i nieabmiežavanaha vykarystańnia nieruchomaści ŭ adpaviednaści sa svaimi patrebami».

U toj ža čas hazieta piša, što kvatery zdajuć u arendu biez kantrakta z pasolstvam Rasii, a apłata za ich unosicca hatoŭkaj. Pry hetym hrošy nakiroŭvajucca ŭ ofis kampanii pad nazvaj «Dziaržzahranułasnaść». Žurnalisty ŭpeŭnieny, što takija dziejańni mohuć parušać Vienskuju kanviencyi ab dypłamatyčnych adnosinach.

Клас
0
Панылы сорам
0
Ха-ха
0
Ого
0
Сумна
0
Абуральна
0