Byłoha dyrektara Hrodzienskaha kambinata školnaha charčavańnia Leninskaha rajona sud pryznaŭ vinavataj u atrymańni chabaraŭ i kradziažy, a taksama vyrašyŭ, što jana, źjaŭlajučysia słužbovaj asobaj, ździejśniła šerah złačynstvaŭ suprać intaresaŭ słužby, paviedamlaje Tut.by

Žančynie pryznačana pakarańnie ŭ vyhladzie 5,5 hadoŭ pazbaŭleńnia voli ŭ kałonii ahulnaha režymu z kanfiskacyjaj i pazbaŭleńniem prava zajmać pasady, źviazanyja z arhanizacyjna-rasparadčymi abaviazkami, na 5 hadoŭ.

Abvinavačvanuju zatrymali 4 červienia minułaha hoda na pracoŭnym miescy pry atrymańni chabaru ŭ 500 rubloŭ. Hrošy žančynie prynieśli zahvytvorčaściu školnaha charčavańnia niekalkich siarednich škoł Leninskaha rajona horada z prośbaj nie pravodzić pazapłanavyja pravierki.

Vyśvietliłasia, što chabary žančyna atrymlivała sistematyčna bolš za try hady. Za biaździejnaść z boku kiraŭnika zahadčyki školnymi vytvorčaściami štomiesiac pieradavali dyrektaru kambinata ad 50 da 150 rubloŭ.

Akramia taho, dyrektar sistematyčna davała ŭkazańni hałoŭnamu buchhałtaru vypisvać matdapamohu jaje padnačalenym. Pry hetym jany atrymlivali tolki pałovu ad sumy dapamohi — druhaja prysvojvałasia kiraŭnikom. Usiaho takim čynam žančyna atrymała amal 12 tys. rubloŭ.

Spačatku było raspačata 30 kryminalnych spraŭ, potym jany byli złučanyja ŭ adnu.

Клас
0
Панылы сорам
0
Ха-ха
0
Ого
0
Сумна
0
Абуральна
0