11 studzienia ŭ Breście abviaścili prysud 23-hadovamu žycharu horada, jaki abvinavačvaŭsia ŭ kradziažy, zamachu na kradziež z vykarystańniem kampjutarnaj techniki i ŭchileńni ad adbyćcia pakarańnia ŭ vyhladzie abmiežavańnia voli, piša Tut.by.

Złačynstva małady čałaviek ździejśniŭ vosieńniu. 8 vieraśnia jon ź siabrami adpačyvaŭ na abłasnych Dažynkach u horadzie Vysokaje Kamianieckaha rajona. Paśla śviata jaho znajomaja, jakaja vučycca ŭ miedkaledžy, padyšła da aŭtamabila bryhady chutkaj i paprasiła «padkinuć» ich da Bresta. Miedyki paśla dziažurstva jakraz rychtavalisia vyjechać u abłasny centr, tamu pahadzilisia ŭziać pasažyraŭ.

Pa darozie ŭ adnaho z daktaroŭ chutkaj vypaŭ z sumki kašalok. Abvinavačany jaho padabraŭ i schavaŭ. Aŭtamabil chutkaj pryjechaŭ na padstancyju. Tam pasažyr vyjšaŭ, vyciahnuŭ miedycynski čamadan ź inšaj chutkaj i syšoŭ śviatkavać dalej. U toj ža dzień unačy jon sprabavaŭ raspłacicca kartkaj urača ŭ načnym kłubie, ale nie viedaŭ pin-koda, tamu tranzakcyja nie prajšła.

U dačynieńni da maładoha čałavieka raspačali kryminalnuju spravu. Raniej jon byŭ sudzimy za «pjanuju jazdu» i kradziež z vykarystańniem kampjutarnaj techniki, ale nie nakiroŭvaŭsia ŭ miescy pazbaŭleńnia voli. Pryznačany pakarańnie jon nie adbyŭ.

«11 studzienia sud Leninskaha rajona Bresta pryznaŭ maładoha čałavieka vinavatym u kradziažy, zamachu na kradziež z vykarystańniem kampjutarnaj techniki i ŭchileńnie ad adbyćcia pakarańnia ŭ vyhladzie abmiežavańnia voli», - paviedamiła staršy pamočnik prakurora Bresta Maryja Białt.

Z ulikam nieadbytaha pakarańnia abvinavačanamu pryznačyli 2 hady i 3 miesiacy pazbaŭleńnia voli ŭ kałonii ahulnaha režymu i pazbavili pravoŭ na 3 hady, 5 miesiacaŭ i 24 dni.

Клас
0
Панылы сорам
0
Ха-ха
0
Ого
0
Сумна
0
Абуральна
0