Da ježy ŭ mianie ŭ hety čas taksama asablivaje staŭleńnie — chočacca niečaha ciopłaha, sytnaha i duchmianaha. I ryzota padychodzić pad hetaje apisańnie idealna. Nie bojciesia jaho rabić — heta nie nastolki doŭha i składana, jak časam kažuć. Ale ŭ lubym vypadku treba viedać niekatoryja chitryki:

  • vialikaja častka pośpiechu — heta pravilny rys, lepš za usio vykarystoŭvać koratka-krupčasty rys sorta Arborya, Karnaroli, Roma ci Bałdo;
  • tempieratura bulona pavinna być dosyć vysokaja (nielha dadavać bulon, jaki pa tempieratury nižejšy, čym rys);
  • dadatki (hryby, kuryca, aharodnina) lepiej dadavać naprykancy ŭžo zhatavanymi.

Nam spatrebicca:

  • 1 šklanka rysu arborya
  • 30 hr. suchich hryboŭ
  • 150 hr. śviežych šampińjonaŭ
  • 1 biełaja cybulina
  • 150 mł viarškoŭ 20%
  • 60 hr. syru parmiezan
  • 40 hr. masła
  • Sol, čorny pierac
  • 0,5 č.ł. čabaru.
  • 2 st.ł. aliŭkavaha aleju
  • trufielny alej (pa žadańni)

Spačatku pryhatujem hrybny bulon. Suchija hryby zalivajem 800 mł vady, dadajom sol i śpiecyi, dajom pavarycca na maleńkim ahni chvilin 20. Pa žadańni, možna zrabić bulon z aharodninaj, dadaŭšy da jaho vielmi drobna parezanuju morkvu i sielderej. Hryby dastajom, režam na maleńkija kavałački. Bulon vykarystoŭvajem dla ryzota.

Cybulu i šampińjony narazajem kubikami i smažym na patelni na aliŭkavym alei da miakkaści, dadajom hryby z bulonu. Smažym da miakkaści i nie dajom mocna astyć.

U rondal nasypajem rys i dajom chvilinku padsmažycca. Nalivajem čarpak bulonu, dobra miašajem i varym, pieramiešvajučy, pakul vadkaść nie vyparycca. Dadajom nastupny čarpak bulona. Praciahvajem taksama, pakul rys nie ŭbiare ŭvieś bulon. Apošnim dadajom hryby z cybulaj i viarški (padahretyja), masła i 1/3 č.ł. trufielnaha aleju. Pieramiešvajem, vyklučajem ahoń, nakryvajem nakryŭkaj i pakidajem chvilin na 5.

Pierad padačaj pasypajem parmiezanam. Pa žadańni, možna jašče pasypać narezanaj piatruškaj. Smačna jeści!

Fota: taste.com.

Fota: taste.com.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?