U Dziaržynski RAUS pastupiła paviedamleńnie ad miascovaj žycharki. Maŭlaŭ, u dvary doma staić dziŭny aŭtamabil z numarami Bresckaha rehijonu. U im — troje padazronych mužčyn.

Dla pravierki infarmacyi na miesca pryjechaŭ inśpiektar DAI.

«Supracoŭnik milicyi padyšoŭ da mašyny, paprasiŭ dakumienty dla pravierki i pacikaviŭsia, ź jakoj metaj tut znachodziacca dadzienyja hramadzianie. U adkaz 30-hadovy ŭładalnik mašyny, minčanin S., jaki vidavočna byŭ dobra napadpitku, niecenzurna vyłajaŭsia ŭ adras inśpiektara, paśla čaho schapiŭ milicyjanta za formiennuju vopratku, u vyniku adarvaŭšy pahonaŭ na kurtcy», — paviedamlaje padrabiaznaści milicyja Minskaj vobłaści.

Daišnik skruciŭ ahresara, ale z mašyny vyskačyli siabry mužčyny: 30-hadovy T., žychar doma, kala jakoha była pryparkavanaja mašyna, i 24-hadovy chłopiec. Jany nakinulisia na milicyjanta i nanieśli jamu dva ŭdary ŭ tvar.

Inśpiektar DAI paśpieŭ paviedamić pra zdareńnie kaleham, i na miesca adrazu ž vyjechała padmoha — supracoŭniki Departamienta achovy i DAI. Usich traich napadnikaŭ zatrymali. Ciapier im pahražaje da 6 hadoŭ za hvałt u dačynieńni da supracoŭnika milicyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?