Pieršy namieśnik staršyni praŭleńnia Nacbanka Ukrainy Kaciaryna Ražkova pakul nie bačyć pryčyn, čamu moža być adobrana druhaja zajaŭka biełaruskaha «Parytetbanka» na kuplu ŭkrainskaj «dački» rasijskaha «Śbierbanka» paśla adchileńnia pieršaj. Pra heta Ražkova paviedamiła ŭ intervju Reuters.

«My ŭžo admovilisia ad hetaha banka», — skazała Ražkova. «Ja nie mahu ŭjavić, jaki novy arhumient jany mohuć dać».

Tym nie mienš jana dadała, što supracoŭniki ŭkrainskaha centralnaha banka ŭsio jašče razhladajuć zajaŭku, dla pryniaćcia rašeńnia ŭ ich jość try miesiacy z momantu jaje pastupleńnia.

Nahadajem, sioleta ŭ krasaviku Nacbank Ukrainy admoviŭ Parytetbanku ŭ kupli ŭkrainskaj «dački» «Śbierbanka» Rasii ŭ suviazi ź nieadpaviednaściu zajaŭnika patrabavańniam zakanadaŭstva Ukrainy. 25 červienia Parytetbank nakiravaŭ druhuju zajaŭku.

Клас
Панылы сорам
Ха-ха
Ого
Сумна
Абуральна