Izrailskija vajskoŭcy zajavili siońnia, što źbili dźviuma rakietami Patriot siryjski źniščalnik Su, paviedamlaje TASS.

Izrailskija vajskoŭcy paviedamili, što dźvie rakiety Patriot zapuścili pa siryjskim źniščalniku Su, što ŭvajšoŭ u izrailskuju pavietranuju prastoru. Armija adsočvała pieramiaščeńnie źniščalnika, jaki zalacieŭ na 2 kiłamietry ŭ pavietranuju prastoru Izraila, paśla čaho jaho źbili rakietaj.

Partał navinaŭ «Al-Masdar» sa spasyłkaj na siryjskuju vajskovuju krynicu infarmuje, što piłot źniščalnika-bambardziroŭščyka Su-22 VPS Siryi zahinuŭ. Adznačajecca, što lotčykam, jaki zahinuŭ, byŭ pałkoŭnik siryjskich VPS Amran Mura. Pra los druhoha piłota źviestak pakul niama. Miž tym, jak paviedamiła ahienctvu SANA siryjskaja vajskovaja krynica, samalot znachodziŭsia ŭ pavietranaj prastory Siryi i nanosiŭ ŭdary pa pazicyjach terarystaŭ na poŭdni krainy.

Клас
Панылы сорам
Ха-ха
Ого
Сумна
Абуральна