U najbližejšy čas žury konkursu pa stvareńni miemaryjała ŭ Kurapatach prymie rašeńnie ab tym, jak budzie vyhladać miemaryjał i dzie mienavita va ŭročyščy jon budzie raźmiaščacca. Pra heta TUT.BY raspaviali ŭ ministerstvie kultury.

Nahadajem, u konkursie pa stvareńni miemaryjała ŭ Kurapatach udzielničała 32 prajekty. U červieni za pasiadžeńni žury vybrała try ź ich. Usie jany ŭjaŭlajuć ź siabie kryžy-kaplicy.

Tady ž rektar Biełaruskaj dziaržaŭnaj akademii mastactvaŭ Michaił Barazna skazaŭ, što varyjanty majuć patrebu ŭ dapracoŭcy z ulikam architekturnaj pryviazki i pierśpiektyŭ dobraŭparadkavańnia. Miełasia taksama vyznačyć dakładnaje miesca raźmiaščeńnia pamiatnaha znaka, kab jon arhanična ŭpisvaŭsia ŭ isnujučy narodny miemaryjał.

Dapracavanyja eskizy pavinny byli pradstavić žury da 1 lipienia.

- Dapracavanyja prajekty pradstaŭleny ŭ ministerstva kultury i ŭ chutkim časie projdzie pasiadžeńnie žury, dzie budzie abrany kančatkovy varyjant i miesca raźmiaščeńnia miemaryjała, - raspaviali ŭ Minkulcie.

Pasiadžeńnie žury papiarednie pryznačanaje na 1 žniŭnia, ale ŭ Minkulcie kažuć, što data moža źmianicca.

Raniejšyja prajekty apublikavanyja na sb.by

Клас
Панылы сорам
Ха-ха
Ого
Сумна
Абуральна