«Padrychtoŭka da paradu vojskaŭ Minskaha harnizona da Dnia Niezaležnaści Biełarusi padychodzić da zaviaršalnaha etapu», — adznačajecca ŭ paviedamleńni Ministerstva abarony.

U składzie 19 piešych paradnych raźlikaŭ i 23 paradnych raźlikaŭ vajennaj techniki voźmie ŭdzieł kala 4000 vajskoŭcaŭ i bolš za 250 adzinak bajavoj techniki.

Tradycyjna ŭ paradzie voźmuć udzieł vajskoŭcy Uzbrojenych Sił Rasii.

Upieršyniu ŭ paradnym strai projduć žančyny-vajskoŭcy złučeńniaŭ i voinskich čaściej biełaruskaj armii i zvodny raźlik kadeckich vučelniaŭ, śpiecyjalizavanych licejaŭ i kadeckich karpusoŭ.

Taksama ŭpieršyniu ŭ vajennym paradzie vojskaŭ Minskaha harnizona płanujecca ŭdzieł paradnaha raźliku vajennasłužačych Narodna-vyzvalenčaj armii Kitaja.

Hienieralnyja repietycyi projduć 23 i 28 červienia z 23.00 na skryžavańni praśpiekta Pieramožcaŭ i praśpiekta Mašerava ŭ horadzie Minsku.

Клас
Панылы сорам
Ха-ха
Ого
Сумна
Абуральна