Deputat Pałaty pradstaŭnikoŭ, staršynia TBM Alena Anisim adkazała na abvinavačvańni biznesoŭca Arkadzia Izraileviča, jaki skazaŭ, što hazieta «Novy čas» udzielničaje ŭ «raskručvańni sijanisckaj zmovy».

«Absalutna biespadstaŭnyja abvinavačvańni mianie ŭ antysiemityźmie, jany nie hruntujucca ni na čym.

Letaś naša hramadzianskaja supolnaść u horadzie Stoŭbcy arhanizavała subotnik pa pryborcy zakinutych habrejskich mohiłak. Ja asabista prymała ŭ hetym aktyŭny ŭdzieł. I chacieła b prapanavać spadaru Izraileviču dałučycca da nas. I inviestavać hrošy va ŭšanavańnie pamiaci habrejaŭ i ŭparadkavańnia mohiłak u Stoŭbcach.

Što datyčyć haziety, to Izrailevič pavinien razumieć, što ŭ haziecie «Novy čas» źmieščanaja prosta infarmacyja pra struktury, jakija tyčacca budaŭnictva restarana ŭ Kurapatach.

Ja, jak zasnavalnik «Novaha času», fihuravała ŭ 2002 hodzie, bo ŭznačalvała Minskuju haradskuju arhanizacyju TBM. Ad 2010 hoda ja nie źjaŭlajusia ni dyrektaram prapryjemstva, jakoje vydaje «Novy čas», i nie maju da haziety nijakaha dačynieńnia da haziety.

Kali ŭ vydańni jość niejkija niedaskanałyja ci niepraŭdzivyja źviestki, to niachaj asprečvajuć. Ale rabić zakidy ŭ antysiemityźmie absalutna biespadstaŭna. Ja zaklikaju spadara Izraileviča da supracy ŭ maim rehijonie.

U Kurapatach znachodzili pareštki ludziej habrejskaj nacyjalnaści. Tamu niedarečna abvinavačvać u antysiemityźmie ludziej, jakija zhadvajuć pamiać niavinna zabitych».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?