Fota z sajta «Zaŭtra tvajoj krainy»
Staršynia rady dyrektaraŭ hrupy kampanij Fenox Global Group Vital Arbuzaŭ vyjšaŭ na volu. Pra heta TUT.BY paviedamili dźvie krynicy.
«U piatnicu viečaram, kala 19 hadzin jaho adpuścili. Davoli niečakana. Miera strymańnia źmieniena na asabistaje daručalnictva», — raspaviali surazmoŭcy z akružeńnia Arbuzava.
Asabistaja paruka maje na ŭvazie, što niekalki asob dali piśmovyja abaviazacielstvy ab tym, što Arbuzaŭ, znachodziačysia na voli, nie schavajecca ad śledstva i suda, nie budzie pieraškadžać rasśledavańniu spravy abo razhladu jaje sudom i nie budzie zajmacca złačynnaj dziejnaściu.
Jak raniej paviedamlałasia, u krasaviku 2017 hodu Departamient finansavych rasśledavańniaŭ Kamiteta dziaržkantrolu sumiesna z Departamientam finansavaha manitorynhu KDK «vyjaviŭ i spyniŭ maštabnuju supraćpraŭnuju dziejnaść staršyni rady dyrektaraŭ hrupy kampanij Fenox Global Group Vitala Arbuzava i šerahu słužbovych asobaŭ biełaruskich subjektaŭ haspadarańnia».
U vyniku viasnoj jaho asnoŭnyja vytvorčyja pradpryjemstvy apynulisia na miažy zakryćcia.
