Adryjan Łama.

Adryjan Łama.

«Ź vialikim žalem i raźbitym sercam ja pavinien paviedamić usim siabram, što Adryjan pamior. Syšoŭ jarki rozum i adčuvalnaja duša. Jon byŭ maim lubimym synam», — pryvodzić teleradyjokampanija słovy baćki chakiera. Ab pryčynach śmierci chakiera nie paviedamlajecca.

Adryjan Łama nabyŭ viadomaść u 2010 hodzie ŭ suviazi sa spravaj Bredli Meninha, jaki paźniej paśla źmieny połu staŭ Čełsi Meninh. Jon paviedamiŭ u anłajn-pierapiscy z chakieram, što pieradavaŭ WikiLeaks sakretnyja dadzienyja. Paźniej Łama pieradaŭ heta amierykanskim uładam, paśla čaho Meninha zatrymali.

U intervju The Guardian u 2011 hodzie Łama kazaŭ, što nie pa dobraj voli pryniaŭ rašeńnie vydać Meninha. Pavodle jaho słoŭ, jaho vymusili heta zrabić i jon škaduje, što infarmatara WikiLeaks prysudzili da takoha vialikaha terminu.

Bredli Meninh słužyŭ u Vajenna-pavietranych siłach ZŠA z 2009 hoda ŭ jakaści analityka vyviedki. U lutym 2010 hoda WikiLeaks apublikavaŭ pieršyja sakretnyja dakumienty, jakija atrymaŭ ad Meninha, praz try miesiacy infarmatara zatrymali. Jon byŭ asudžany na 35 hadoŭ. U turmie Meninh abviaściŭ pra źmienu połu i prajšoŭ harmanalnuju terapiju.

U mai 2017 hoda Meninh vyjšła na volu, jaje pamiłavaŭ eks-prezident ZŠA Barak Abama.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?