Letaś my pisali pra historyju ź Instytutam matematyki i kibiernietyki, jaki sprabavaŭ na bazie Rovienskaha Mižnarodnaha ekanamična-humanitarnaha ŭniviersiteta imia Ściapana Dziemjančuka (Ukraina) arhanizavać navučańnie dla budučych prahramistaŭ ź Biełarusi pa-biełarusku.

Akramia taho, sam instytut z 1997 hoda ładzić pa-biełarusku biaspłatnyja lekcyi, sieminary i kansultacyi pa prahramavańni, matematycy i kibiernietycy.

Minułaj viasnoj vykładčykaŭ hetaha instytuta «zaprasili» ŭ finansavuju milicyju. Pryčynaj, pavodle supracoŭnikaŭ DFR KDK, stała padazreńnie ŭ ažyćciaŭleńni adukacyjnaj dziejnaści biez adpaviednaj licenzii.

Suprać instytuta ŭ minułym hodzie byli arhanizavanyja pravierki, ale kryminalnaja sprava tak i nie była zaviedzienaja. Pavieł Buka paviedamiŭ NN, što navučańnie biełaruskich studentaŭ praciahvajecca, pakolki, jak i adpačatku, adbyvajecca na terytoryi Ukrainy.

Dyrektar instytuta Pavieł Buka kaža:

«Naša dziejnaść užo była pryznanaja zakonnaj samim Kamitetam dziažkantrolu nieadnojčy ŭ 2017—2018 hadach».

Ale 15 sakavika stała viadoma, što prakuratura raspačała kryminalnuju spravu pa č. 2 art. 233 KK (niezakonnaja pradprymalnickaja dziejnaść, spałučanaja z atrymańniem dachodu ŭ asabliva bujnym pamiery).

KDK śćviardžaje, što ŭ Biełarusi nibyta funkcyjanavaŭ filijał ukrainskaha ŭniviersiteta, a sp.Buka śćviardžaje, što navučajucca studenty zavočna va Ukrainie, pa ŭkrainskich zakonach. Jak i mnostva inšych biełaruskich zavočnikaŭ u zamiežnych univiersitetach.

Dalej sajt KDK paviedamlaje padrabiaznaści abvinavačvańnia: «Da ciapierašniaha času nichto z tych, chto apłaciŭ navučańnie, nie atrymaŭ abiacany dypłom. Pryčym tych, chto pačaŭ vučobu jašče 3 hady tamu, pakinuli na druhi hod na druhim kursie, takim čynam, im daviałosia dapłacić za svajo navučańnie».

Dyrektar instytuta Pavieł Buka ličyć heta paklopam. Ciapier im rychtujecca skarha ab parušeńni honaru i hodnaści.

Jon nahadvaje, što praciahłaść navučańnia — 4 hady, a biełaruskija studenty dajšli pakul tolki da 3-ha kursa.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?