Placoŭka ŭ Kałožskim parku Hrodna, adviedzienaja ŭładami dla praviadzieńnia mitynhu-kancertu 25 sakavika, nie maje padvodu elektryčnaha kabielu. Heta ŭskładnić praviadzieńnie kancerta, kažuć arhanizatary.

Adzin z zajaŭnikaŭ imprezy da 100-hodździa abviaščeńnia niezaležnaści BNR, kiraŭnik hrodzienskaj arhanizacyi «Havary praŭdu» Źmicier Bandarčuk źviartaŭsia ŭ harvykankam, kab ułady dapamahli vypravić stanovišča, ale tam adkazali, što za taki karotki termin padvieści elektryčnaść nie atrymajecca.

Pavodle Bandarčuka, adziny šaniec uratavać stanovišča — padklučycca da aŭtanomnych hienierataraŭ, i hetaja prablema ŭžo vyrašajecca.

«Chaciełasia b, kab bolš chutka źbiralisia hrošy, bo ŭ nas spravy iduć nie takimi tempami, jak u Minsku. Kali buduć hrošy, to nijakich prablemaŭ ni z čym nie budzie», — kaža Bandarčuk.

Na sajcie Talaka.by arhanizatary kancerta ŭ Hrodnie źbirajuć hrošy na apłatu arendy aparatury i sceny, kampiensacyi vykanaŭcam, azdableńnie placoŭki i apłatu kamunalnych pasłuh, simvoliku i proma-pradukcyju. Usiaho spadziajucca sabrać 8720 rubloŭ. Uvachod na kancert-mitynh budzie biaspłatnym, tamu «kupić» možna «vielizarnuju ŭdziačnaść», suvieniry kštałtu značkoŭ i paštovak, a taksama status sponsara.

Клас
Панылы сорам
Ха-ха
Ого
Сумна
Абуральна