Paroh biazmytnaha anłajn-handlu ŭ krainach JeŭrAzES z 2020 hoda źniziać da 200 jeŭra.
«Da kanca biahučaha hoda paroham biazmytnaha handlu dla tavaraŭ, uviezienych u ramkach internet-handlu, składaje 1000 jeŭra, z 1 studzienia 2019 hoda paroh vyznačajecca ŭ pamiery 500 jeŭra, a z 1 studzienia 2020 hoda — u pamiery 200 jeŭra», — cytuje rasijskaje infarmacyjnaje ahienctva «Interfaks» premjera Rasii Dźmitryja Miadźviedzieva.
U apošnija hady ŭsio bolš ludziej kuplaje tavary praz kitajski Aliexpress, amierykanski Amazon i anałahičnyja internet-kramy. Jany stali istotnym kankurentam tradycyjnym mahazinam i anłajn-kramam unutry krainy, bo asartymient tam šyrejšy, a ceny istotna nižejšyja. Z toj samaj prablemaj sutyknułasia Rasija.
