U pradstaŭlenym na biahučym tydni Democracy Index 2017 Biełaruś zaniała 138 miesca z 165, paviedamlaje thinktanks.by.

Heta horšy pakazčyk u paraŭnańni z susiednimi krainami. Tak Litva ŭ Indeksie demakratyj zaniała 37-ju pazicyju, Łatvija — 40-ju, Polšča — 53-ju, a Ukraina — 83-ju. Rasija nie našmat apiaredziła Biełaruś, apynuŭšysia na 135-m radku.

Nižej našaj krainy ŭ rejtynhu demakratyj raźmiaścilisia takija postsavieckija respubliki jak Kazachstan (141-je miesca), Azierbajdžan (148-je miesca), Uźbiekistan (158-je miesca), Tadžykistan (159-je miesca).

U pieršuju piaciorku rejtynhu ŭvachodziać Narviehija, Isłandyja, Šviecyja, Novaja Ziełandyja i Danija, nazvanyja dziaržavami «z paŭnavartasnaj demakratyjaj».

Zamykajuć Democracy Index 2017 Čad, Siryja i Paŭnočnaja Kareja.

U 2017 hodzie dźvie krainy źmianili katehoryi ŭ indeksie. Małdova z krain z «niedaskanałaj demakratyjaj» pierasunułasia ŭ hrupu «hibrydnych», a Armienija z «aŭtarytarnych krain» patrapiła ŭ śpis «hibrydnych».

Клас
0
Панылы сорам
0
Ха-ха
0
Ого
0
Сумна
0
Абуральна
0