Ministerstva zamiežnych spraŭ Biełarusi vykazała spačuvańni ŭ suviazi sa śmierciu Barysa Kita.

«Viadomy biełaruski dziejač zamiežža, vydatny vučony Barys Kit pajšoŭ z žyćcia 1 lutaha 2018 hoda. Amal 108 hadoŭ, jakija jon pražyŭ, pryjšlisia na nadzvyčaj nasyčany i dramatyčny pieryjad biełaruskaj i suśvietnaj historyi. Barys Kit naradziŭsia ŭ Rasijskaj impieryi, žyŭ i pracavaŭ i ŭ mižvajennaj Polščy, i padčas fašysckaj akupacyi, i ŭ Złučanych Štatach. Ale ŭvieś hety čas jon zastavaŭsia biełarusam, staranna i bieśpierapynna kłapaciŭsia pra biełaruskuju movu, adukacyju, zachavańnie biełaruskaj samaśviadomaści našymi suajčyńnikami za miažoj. Addanaść Ajčynie Barys Kit pranios praz usio žyćcio i pakinuŭ svoj śled u biełaruskaj i suśvietnaj historyi. Zrabiŭšy vialiki ŭkład u raźvićcio navuki, u pryvatnaści, u halinie astranaŭtyki, jon datyčny da zbližeńnia SSSR i ZŠA vakoł hetaj supolnaj dla čałaviectva temy», — havorycca ŭ paviedamleńni.

Клас
0
Панылы сорам
0
Ха-ха
0
Ого
0
Сумна
0
Абуральна
0