Anisija Kaźluk.

Anisija Kaźluk.

Što viadoma pra Anisiju? Zajmajecca vałanciorstvam, źbiraje pieradačy dla zatrymanych palityčnych aktyvistaŭ, piša skarhi ŭ orhany ŭłady… Uvosień 2017 hoda, kali adbyvalisia vobšuki ŭ kvaterach anarchistaŭ, pryjšli i da jaje. Dziaŭčynu taksama zatrymlivali na miažy paśla viartańnia z pravaabarončaha forumu ŭ Vilni. 

Sami składalniki rejtynhu adznačyli, što «dziaŭčyna zmahajecca za lepšuju budučyniu Biełarusi», mienavita tamu jaje ŭklučyli ŭ śpis naminantaŭ katehoryi «Prava i kiravańnie», dzie jana była samaj maładoj.

«Naša Niva» sabrała dadatkovyja fakty pra aktyvistku.

U pravaabarončuju śfieru pryvioŭ starejšy brat

Anisija — nie adzinaja ŭ siamji, chto cikavicca pravami čałavieka. Jaje starejšy brat Alaksiej taksama maje niepasrednaje dačynieńnie da hetaj temy: pracavaŭ u Centry pravavoj transfarmacyi «Lawtrend», źjaŭlajecca adnym z zasnavalnikaŭ arhanizacyi «Human Constanta». Padčas padziej, źviazanych z Płoščaj-2010, 13-hadovaja Anisija dapamahała jamu rasšyfroŭvać zapisy z sudovych pasiadžeńniaŭ i, jak sama pryznajecca, tady jašče nie da kanca ŭśviedamlała, čym i dla čaho zajmajecca.

Mienavita Alaksiej paznajomiŭ Anisiju sa śvietam pravaabarončych arhanizacyj, chacia ich baćki, vykładčyca historyi i inžynier, da hetaha času ličać, što heta «nie žanočaja sprava i hłupstva».

Pryjšła ŭ «Viasnu» ŭ 15 hod

U 2012 hodzie «viasnoŭcy» arhanizoŭvali vałanciorskuju słužbu. Dziaŭčyna adrazu zapoŭniła ankietu i trapiła ŭ novastvoranaje adhalinavańnie arhanizacyi. Joj było ŭsiaho 15. Anisija raskazvaje, što ŭ svaim maładym uzroście pastajanna sutykajecca z dyskryminacyjaj i niesurjoznym staŭleńniem.

U vałanciorskaj słužbie jana kuryruje praviadzieńnie kinaprahladaŭ i adukacyjnych mierapryjemstvaŭ, pryśviečanych pravam čałavieka. Padčas pratestnaj viasny-2017 Anisija apytvała ludziej, jakija paciarpieli ad siłavikoŭ. Kamu kankretna tady dapamahała — pryhadać nie zmahła, kaža, što ludziej było vielmi šmat.

Kinuła kaledž, bo nie znajšła dyjałoh z vykładčykam

Anisija vučyłasia ŭ jurydyčnym kaledžy BDU, jaki miełasia skončyć u minułym hodzie, ale, jak śćviardžaje dziaŭčyna, u jaje zdaryŭsia kanflikt z vykładčykam, tamu jana pryncypova nie pajšła na abaronu dypłoma. «Na abaronie kursavoj mnie pastavili 8 bałaŭ, a paśla pačali raspytvać, čamu ja pieraviałasia na zavočnaje navučańnie.

Ja raskazała, što razam z «Human Constanta» dapamahała apytvać čačenskich biežancaŭ u Bieraści, paśla čaho vysłuchała vielmi šmat niehatyvu i ahresii adnosna hetych ludziej i mianie. Było ahučana, što treba było pastavić mnie nie «8», a maksimum «5». Tady ja zrazumieła, što abjektyŭnaści nie dačakajusia, i nie pajšła na abaronu dypłoma.

Ale chaču adnavicca i zakončyć navučańnie — u pieršuju čarhu dla baćkoŭ», — raskazała «NN» Anisija.

Dziaŭčyna nie vyklučaje, što budzie atrymlivać jašče jakuju-niebudź adukacyju, ale pakul nie razumieje, čaho b joj chaciełasia.

Viadzie samastojnaje žyćcio

Anisija žyvie asobna ad baćkoŭ: razam ź siabroŭkaj jany zdymajuć pryvatny dom.

Finansava dapamahajuć maci z tatam.

Taksama jana atrymlivaje hanarary za techničnuju dapamohu ŭ arhanizacyi roznych forumaŭ i sieminaraŭ.

Była zamužam, raźviałasia

Anisija była zamužam za aktyvistam Arsieniem Hurskim: jany byli razam na praciahu piaci hadoŭ (ažanilisia ŭ 2016-m), na stolki ž jon byŭ starejšy za kachanuju. Ciapier dziaŭčyna nie maje stasunkaŭ, a svoj šlub usprymaje jak «dobry vopyt, jaki dapamoh zrabić karysnyja vysnovy».

Anisija kaža, što pakul nie razumieje, što daść joj takoje pryznańnie časopisam Forbes, jak jano paŭpłyvaje na jaje žyćcio. Jana ŭsprymaje heta jak nie svaju ŭznaharodu, a vydatnuju adznaku dziejnaści ŭsioj arhanizacyi.

Na cyrymoniju ŭzharodžańnia ŭ Łondanie Anisija nie trapiła, bo nie paśpieła aformić vizu.

Клас
1
Панылы сорам
0
Ха-ха
0
Ого
0
Сумна
0
Абуральна
1

Chočaš padzialicca važnaj infarmacyjaj ananimna i kanfidencyjna?