Forvard «Barsiełony» Lijanel Mesi staŭ pieršym futbalistam u historyi, čyj akład skłaŭ bolš za 100 miljonaŭ jeŭra ŭ hod. Pra heta paviedamlaje L'Equipe sa spasyłkaj na Football Leaks.
Adznačajecca, što pavodle novaha kantraktaje arhienciniec atrymlivaje 104 miljony jeŭra ŭ hod da vypłaty padatkaŭ — bolš, čym chto-niebudź u historyi futboła. Paśla vypłaty padatkaŭ zarobak Mesi składaje krychu bolš za 50 miljonaŭ u hod, što taksama źjaŭlajecca suśvietnym rekordam.
Brazilec Niejmar, jaki vystupaje za PSŽ, atrymlivaje 36,8 miljonaŭ u hod čystymi, a arhienciniec Karłas Tevies, što da studzienia 2018 hoda vystupaŭ za kitajski «Šanchaj Šeńchua», atrymlivaŭ 38 miljonaŭ.
Z ulikam imidžavych pastupleńniaŭ, padpisnoha bonusa i bonusa za łajalnaść štohadovy dachod Mesi ŭ «Barsiełonie» składaje 104 miljony jeŭra ŭ hod.
