«Siońnia, u śviatočny dzień, adkryli došku Ryhoru Baradulinu na domie, dzie jon pražyŭ 34 hady. Sabrałasia šmat ludziej — u asnoŭnym, miascovych žycharoŭ i susiedziaŭ. Pramaŭlała žonka Valancina Michajłaŭna Baradulina, staršynia Biełaruskaha sajuza mastakoŭ Ryhor Sitnica, aŭtar doški skulptar Ihar Zasimovič, paety Uładzimir Niaklajeŭ i Michaś Skobła, mastak Alaksiej Maračkin», paviedamiŭ u svaim fejsbuk-akaŭncie Hleb Łabadzienka.

Fota Hleba Łabadzienki.

Fota Hleba Łabadzienki.

«Sprava zroblenaja — jak hara ź pleč, asabliva ciešusia, što paśpieli da Kaladaŭ. Roŭna ŭ hetyja dni dva hady tamu my adkryvali «vałun sivy i kryž na vałunie» na mahile dziadźki Ryhora va Ušačach. Ciapier trochu spakajniej, što ŭdałosia choć niešta zrabić dla jahonaj pamiaci», — dadaŭ jon.

Hleb Łabadzienka taksama vyraziŭ padziaku «tym 145 ASOBAM, jakija achviaravali na hetuju došku praz sajt talaka.by. Heta MY jaje paviesili, nie narakajučy, što niechta tam nam nie viešaje i nie robić».

Nastupnaj spravaju, vartaju nieadkładnych dziejańniaŭ, pavodle Hleba Łabadzienki, pavinna stać źjaŭleńnie miemaryjalnaj doški na domie pa vulicy Maksima Tanka, dzie bolš za 20 hadoŭ pražyŭ u Miensku Vasil Bykaŭ.

«Stvaryli razam pamiatnuju došku Baradulinu — stvorym i Bykavu!» — napisaŭ jon.

Zbor srodkaŭ na heta adkryty tut: https://www.talaka.org/projects/2647/fund

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?