Uładalnik firmy Space X Iłan Mask apublikavaŭ siońnia u svaim tvitar-akaŭncie fota elektramabila Tesla svajoj vytvorčaści, jaki maje ŭžo ŭ studzieni budučaha hoda adpravicca ŭ padarožža ŭ adzin kaniec na arbitu Marsa.

Tesla Roadster kala korpusu rakiety.

Tesla Roadster kala korpusu rakiety.

Elektramabil stanie adzinym «pasažyram» testavaha palotu rakiety «Falcon Heavy». Paśla nabližeńnia da Marsa jaje hałaŭnaja častka maje ŭvajści na eliptyčnuju arbitu, i zastavacca tam nieakreślena doŭhi čas. Palot patrebny dla adpracoŭki elemientaŭ marsijanskaj prahramy Space X, jakaja, pavodle Maska, maje pačacca pamiž 2022 i 2024 hodam.

«Hruzam stanie maja višniovaja Tesla Roadster, u jakoj budzie hrać «Space Oddity» (Devida Boŭi — Red.). I jana zastaniecca ŭ hłybokim kosmasie ź miljard hod, kali nie vybuchnie padčas startu», — napisaŭ Mask u tvitary anansujučy pusk.

Dakładnaja data zapusku pakul nie vyznačanaja. Adnak rakietu ŭžo pačali rychtavać u anhary na mysie Kanavierał u štacie Fłaryda.

Falcon Heavy na mysie Kanavierał

Falcon Heavy na mysie Kanavierał

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?