Novy kancler Aŭstryi Siebaścijan Kurc zajaviŭ, što Jeŭrasajuz pavinien pierahledzieć svaju palityku ŭ pytańni raźmierkavańnia mihrantaŭ. Jon ličyć, što isnujučaja siońnia palityka krainnych kvot, uviedzienaja dva hady tamu heta niapravilny šlach, paviedamlaje «Die Zeit».

Siebaścijan Kurc

Siebaścijan Kurc

«Kali my dalej praciahniem iści hetym šlacham, my dabjemsia tolki dalejšaha raskołu ŭ ES. Dziaržavy-siabry arhanizacyi musiać sami vyrašać, kolki ludziej im prymać — i ci prymać uvohule», — skazaŭ palityk.

Pavodle jahonych słovaŭ, dalejšyja dyskusii pra kvoty ŭvohule biezźmiastoŭnyja.

«Mihranty na svaim šlachu ŭ Jeŭropu nie chočuć u Bałharyju ci Vienhryju — z bolšaha jany žadajuć trapić u Niamieččynu, Aŭstryju ci Šviecyju», — adznačyŭ Kurc. Jon ličyć, što pakolki miaža pamiž ekanamičnymi mihrantami i ŭciekačami zaraz razmytaja, to lepš dapamahać im unutry ich ułasnych krain, a kali nie atrymlivajecca heta — to ŭnutry ich krain-susiedak.

Pavodle danych Jeŭrastatu, 60 pracentaŭ usich mihrantaŭ, jakija prybyvajuć u ES, prosiać ab nadańni prytułku ŭ Niamieččynie.

Клас
Панылы сорам
Ха-ха
Ого
Сумна
Абуральна