Palicyja Paŭdniovaha Jorkšyra skarystałasia mietadam z multfilma «Simpsany», kab złavić złačyncaŭ, što chavalisia ad pravasudździa. U vyniku aryštavali 21 čałavieka, što abvinavačvajucca ŭ kradziažy z uzłomam, nieapłacie štrafaŭ za niećviarozaje kiravańnie mašynami, machlarstvach, handli narkotykami i inšych surjoznych złačynstvach, paviedamlaje Independent.

Pa adrasach padazravanych palicyja ad imia padstaŭnoj firmy razasłała zaprašeńni atrymać biaspłatnyja kaladnyja padarunki, što składalisia ź vina, košyka z delikatesami i kaladnaha pudynhu. Palicyja była sama ździŭlenaja efiektyŭnaściu mietadu, bo praz dva dni złačyncy, što chavalisia miesiacami, byli zatrymanyja.

Fota palicyi Paŭdniovaha Jorkšyra

Fota palicyi Paŭdniovaha Jorkšyra

«Usio, što nam daviałosia zrabić — heta damovicca pra čas dastaŭki padarunkavaha košyka ŭ dom», — zajavili pradstaŭniki pravaachoŭnikaŭ.

Hałoŭny inśpiektar palicyi Li Biery, što naziraŭ za apieracyjaj, dadaŭ, što kali vyniki akazalisia nastolki efiektyŭnymi, to varta praciahnuć šukać novyja šlachi dla zatrymańnia tych, chto paśla ździajśnieńnia złačynstvaŭ, chavajecca ad pradstaŭnikoŭ zakonu.

U vośmaj sieryi dziaviataha siezonu multfilmu «Simpsany» palicyja Sprynhfiłda takim samym čynam padmanvaje haradskich chulihanaŭ, jakija sami źjaŭlajucca ŭ miescy praviadzieńnia palicejskaj łatarei, u nadziei vyjhrać biaspłatnuju matornuju łodku.

Kadr z «Simpsanaŭ» pra łatareju matornych łodak.

Kadr z «Simpsanaŭ» pra łatareju matornych łodak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?