Navukoŭcy nazvali novy vid žab Purpurovaj Bchubaci (Nasikabatrachus bhupathi) u honar prafiesara Subramaniama Bchupaci, pavažanaha hierpietołaha (śpiecyjalista pa paŭzunach), jaki trahična zahinuŭ u Hatach ŭ 2014 hodzie.
Vyhlad hetaj žaby moža zdacca davoli dziŭnym, ale va ŭsim zasłuha doŭhaha pracesu evalucyi: maleńkija vočki, karotkija łapy i doŭhaja morda idealna padychodziać dla taho, kab pravieści ŭsio žyćcio pad ziamloj.
Nasamreč u hetych amfibij niama «prystasavańnia», kab jeści. U ich jość adzin tolki doŭhi jazyk, z dapamohaj jakoha jany chapajuć termitaŭ pad ziamloj. Adzinaje, što moža vyciahnuć hetych žab na pavierchniu — heta doždž.
Hałoŭny aŭtar daśledavańnia, malekularny hienietyk Centra kletkavaj i malekularnaj bijałohii ŭ Chajdarabadzie Ramieš Aharvał raspavioŭ, što padčas siezonu musonaŭ hetyja žaby pačynajuć hučna hałasić z-pad piasku ŭ hornych ručajach. Paśla svaich «piesień» jany sparvajucca, a samki adkładajuć ikru tam ža, u ručajach.
Vyvučajučy hetych žab, hierpietołahi zrazumieli, jak mała pra ich naohuł viadoma. Štohod adkryvajucca sotni novych vidaŭ, i kožny ź ich ździŭlaje navukoŭcaŭ.
Raniej u rodzie Nasikabatrachus byŭ viadomy tolki adzin vid Nasikabatrachus sahyadrensis, adkryty ŭ 2003 hodzie. U 2008 hodzie Čań Li Pen, adzin ź viadučych sajta Scienceray, uklučyŭ žabu vidu Nasikabatrachus sahyadrensis ŭ stvorany im śpis 20 samych dziŭnych abo brydkich žyvioł płaniety.
