Pradstaŭnik Uber Džo Salivan u razmovie z Reuters paćvierdziŭ, što bližejšyja abnaŭleńni dla dadatku na Android i iOS pazbaviać prahramu mahčymaści sačyć za pasažyrami paśla zaviaršeńnia pajezdki.
Raniej karystalniki servisu nie raz krytykavali dadatak za toje, što jon adsočvaje ich pieramiaščeńni pa horadzie. Pradstaŭniki Uber, u svaju čarhu, śćviardžali, što dadzienaja funkcyja nieabchodnaja, kab pavyšać uzrovień biaśpieki karystalnikaŭ i vybirać bolš zručnyja miescy dla vysadki pasažyraŭ.
Salivan adznačyŭ, što admiena adsočvańnia hieałakacyi ŭ fonavym režymie — heta adzin z hałoŭnych krokaŭ, nakiravanych na pavyšeńnie prazrystaści servisu. Ciapier dadatak budzie abaraniać pryvatnaść svaich klijentaŭ.
