Siońnia pravasłaŭnyja śviatkujuć Ušeście (Uśpienije, Uniebaŭziaćcie) Božaj Maci. U narodzie — Pračystaja (abo Spleńnie)

Śviata ŭźnikła ŭ IV st. na ŭšanavańnie Maci Božaj. Spačatku jaho nazyvali «Uspaminam Śviatoj Maryi». Paźniej bytavali nazvy «Uśpieńnie Maryi» (V st.), «Pierachod» (VI st.), a potym «Uniebaŭziaćcie» (VIII st.). Z VI st. na Uschodzie 15 žniŭnia pačało adznačacca śviata «šlach Maryi dadomu».

Uniebaŭziaćcie źjaŭlajecca adnoj z hałoŭnych uračystaściaŭ na praciahu liturhičnaha hoda.

U Biełarusi ŭ hety dzień aśviačajuć novy ŭradžaj (dažynkavyja snapy, sadavinu, harodninu), a taksama ziołki i kvietki. Bukiety aśviečanych raślinaŭ zanosiać damoŭ i vysušvajuć. Ich pryznačeńnie — achoŭvać ad chvarobaŭ.

Katoliki adznačali Pračystuju 15 žniŭnia.

A 29 žniŭnia ŭ pravasłaŭnaj hramady — Arechavy (Treci) Spas. Leta zaviaršajecca.

Клас
Панылы сорам
Ха-ха
Ого
Сумна
Абуральна