Niahledziačy na previentyŭnyja zatrymańni niekalkich važakoŭ pratestaŭ, a taksama lidaraŭ apazicyi, što kiravalisia ŭ Brest ź Minska, ludzi sabralisia na płoščy Lenina. Staršynia harvykankama Alaksandr Rahačuk zaprasiŭ ludziej na hutarku ŭ aktavuju zału harvykankama, ale pahadziłasia tolki nievialikaja kolkaść pratestoŭcaŭ. «Jon ničoha nie vyrašaje!» — kryčali z natoŭpu.

Da mitynhu dałučylisia anarchisty, jany i zavodzili skandavańni. «Anarchisty zrabili dzień», — kaža błohier-strymier Siarhiej Piatruchin.

Pakolki funkcyju lidaraŭ uziali na siabie anarchisty, to heta pieršaje šeście, što prachodzić pad čornym ściaham, a nie bieł-čyrvona-biełym. Ale «Žyvie Biełaruś» skandavali, a taksama «Basta!» i «Nie dekretu numar try! Łukašenka, uchadzi». Masavaj była padtrymka i jašče dvuch łozunhaŭ: «Niet zarpłaty, jesť nałoh — dieputatu v košielek!» i «Nastojaŝij darmojed — tot, kto vydumał diekriet».

Anarchisty paviali šeście praz horad, vulicami Puškinskaj i Savieckaj. Pa darozie šeście razrasłosia da niekalkich tysiač čałaviek. Ludzi z hankaŭ kramaŭ padtrymlivali demanstrantaŭ apładysmientami.

Padtrymać pratestoŭcaŭ u Bieraście pryjechaŭ i adzin z važakoŭ pratestaŭ u Homieli, błohier Maksim Filipovič.

Pry kancy z trybuny bieraściejcaŭ zaklikali 11 sakavika padtrymać anałahičny pratest u Pinsku. 

Anłajn-videa ź Bieraścia, strymiŭ błohier i akcior Siarhiej Piatruchin:

Praciah:

Čarhovaja vuličnaja akcyja suprać dekreta №3 adbyvajecca siońnia ŭ Breście. Hałoŭny arhanizatar akcyi — aktyvist AHP ź Biarozy Alaksandr Kabanaŭ. 

«My chočam ahučyć i pryniać rezalucyju. Taksama ŭ nas buduć padpisnyja listy, usie achvotnyja zmohuć pastavić podpis za admienu dekreta № 3. Akcyja adbudziecca jak marš pa horadzie, jak heta adbyvajecca ŭsiudy», — kaža Kabanaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?