U stalicy Narvehii Osła adbyłasia ŭračystaja cyrymonija ŭručeńnia Nobeleŭskaj premii miru kalumbijskamu prezydentu Chuanu Manuelu Santasu.

Chuan Manuel Santas.

Kalumbijski palityk atrymaŭ hetuju prestyžnuju ŭznaharodu za svoj układ u padpisańnie pahadnieńnia ab miry ź levaradykalnaj hrupoŭkaj FARK, pakłaŭšy tym samym kaniec hramadzianskaj vajnie, jakaja doŭžyłasia 52 hady i ŭ jakoj zahinuli bolš za 200 tysiač čałaviek.

Santas atrymaŭ załaty medal, hramatu i ček na 8 młn švedzkich kron (870 tysiač dalaraŭ).

Nobeleŭski kamitet acaniŭ pracu Santasa jak ruchajučuju siłu mirnaha pahadnieńnia, padpisanaha ŭ listapadzie 2016 hodu pamiž uradam Kalumbii i bajevikami.

U subotu taksama adbudziecca ŭznaharodžańnie i inšych sioletnich nobeleŭskich laŭreataŭ, ale nie ŭ Osła, a ŭ Stakholmie, dzie zvyčajna prachodzić hetaja cyrymonija.

Viadoma, što na joj nia budzie sioletniaha laŭreata ŭ halinie litaratury — amerykanski śpiavak Bob Dyłan admoviŭsia prysutničać na imprezie. Na jaho prośbu ŭznaharodu atrymaje śpiavačka Peci Śmit.

Клас
0
Панылы сорам
0
Ха-ха
0
Ого
0
Сумна
0
Абуральна
0