Da 1 vieraśnia ŭ Połacku zaviaršyli rekanstrukcyju pomnika litary «Ŭ», paviedamiŭ TUT.BY miascovy krajaznaŭca Andrej Buchaviecki.

Aŭtar prajekta rekanstrukcyi — połacki mastak Ihar Kuržałaŭ. Jon ža zrabiŭ i raniejšy varyjant pomnika, jaki ŭstalavali ŭ 2003 hodzie, padčas śviatkavańnia Dnia biełaruskaha piśmienstva. U 2014 kampazicyju paškodzili, sioleta miascovyja ŭłady znajšli hrošy, kab jaje abnavić.

Pomnik źmianiŭsia. Cytata Ryhora Baradulina «Ad Jeŭfrasińni, ad Skaryny, ad Połacka pačaŭsia śviet» raniej znachodziłasia na kruhłaj plicie pastamienta, ciapier — na adnoj z hraniaŭ steły. U abnoŭlenym varyjancie možna pračytać i imia aŭtara hetaha radka. U litaru «S» u słovie «śviatło» ŭpisany znak-sihniet Francyska Skaryny — sonca i miesiac, jakija pierakryvajuć adzin adnaho.

Pomnik da rekanstrukcyi…

…i paśla.

Na druhoj hrani steły raniej znachodziłasia stylizavanaja litara «Ŭ», ciapier — jaje pamienšanaja vyjava kursivam. Vyšej — šerah słoŭ roznymi šryftami, u jakich jość litara: Jeŭfrasińnia, Brasłaŭ, nastaŭnik, słoŭnik, dziejasłoŭ i h.d.

Клас
0
Панылы сорам
0
Ха-ха
0
Ого
0
Сумна
0
Абуральна
0