Fota Siarhieja Hudzilina

Fota Siarhieja Hudzilina

U Centralnym rajonnym sudzie Minska z ranicy 7 krasavika prachodziać pracesy nad udzielnikami pikietavańnia rasiejskaj ambasady ŭ abaronu Nadziei Saŭčanki i šeścia na Dzień Voli. Pikiet salidarnaści z Nadziejaj Saŭčankaj adbyŭsia 21 sakavika, a za 25 sakavika na šerah aktyvistaŭ milicyja skłała pratakoły za ŭdzieł u šeści ad pomnika Janki Kupału da kinateatru «Kastryčnik», jakoje paličyli niesankcyjanavanym.

Za pieršuju pałovu dnia byli vyniesienyja niekalki pastanoŭ ab štrafach u vialikim pamiery. Hetak, na 50 bazavych vieličyń (10,5 młn rubloŭ) aštrafavali aktyvistaŭ Mikałaja Kazłova, Leanida Kułakova, Maksima Viniarskaha, Paŭła Sieviarynca, Źmitra Daškieviča, Alaksandra Miecha.

Štraf u 20 bazavych vieličyń (4,2 młn) atrymaŭ aktyvist AHP Antoś Žyłka. Sud nad lideram AHP Anatolem Labiedźkam pieraniesieny na 12 krasavika, jak i nad Viktaram Hutoŭskim. Taksama pieraniesieny praces nad Viačasłavam Siŭčykam.

Siońnia taksama pryznačanyja pracesy nad aktyvistami Volhaj Majoravaj, Źmitrom Palijenkam, Alesiem Makajevym dy inšymi.

Pastanovy za Dzień Voli razhladali sudździ Viktoryja Šabunia, Natalla Vajcechovič, Michaił Choma, Taciana Rak, Valer Jeśman.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?