«Zdymačnuju hrupu ukrainskaha telekanała STB, jakaja aśviatlała praces pa spravie Nadziei Saŭčanka, spynili supracoŭniki DPS (kapitan Šastakoŭ) u Kurskaj vobłaści nibyta praz toje, što na mašynie «visić» nieapłačany štraf. Rabiaty ŭ Rasii ŭsiaho niekalki dzion, nijakich parušeńniaŭ nie dapuskali, štrafy im nichto nie vypisvaŭ. Advieźli ŭ adździaleńnie MUS RF pa Haršečanskim rajonie. Zabrali dakumienty (kapitan Źvianielcaŭ) i nie addajuć, dzie jany — nie kažuć», — paviedamiŭ žurnalist radyjo «Svaboda» Anton Naŭmluk.

«Paśla taho, jak DPSniki, jakija dastavili rabiat, syšli, u adździaleńnie vyklikali kahości dla «dopytu». Nastojvajuć na dopycie kožnaha paasobku — dzie byli, z kim sustrakalisia i z kim havaryli», — paviedamiŭ jon.

Zdymačnuju hrupu z troch čałaviek telekanała STB ŭznačalvaje žurnalist Alena Šaŭčuk. Zdymačnaja hrupa akredytavanaja pry MZS RF.

Naŭmluk paviedamiŭ, što dziažurny adździaleńnia palicyi pa Haršečanskim rajonie Kurskaj vobłaści paviedamiŭ, što zdymačnaja hrupa STB dastaŭlenaja ŭ adździaleńnie dla pravierki dakumientaŭ.

Pa infarmacyi rasijskaj palicyi, numary aŭtamabila kanała padobnyja nibyta na tyja, što znachodziacca ŭ vyšuku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?